Сонгогчид 76 гишүүн сонгоно гэж санаж байгаа. Тэгвэл энэ тоо сонгуулийн шинэчилсэн хуулиар буурсан. Холимог системийн буянаар намын жагсаалтаар УИХ-д сонгогдох эрхмүүд харц дээгүүр алхаж байна. Тэд иргэдээс хамааралгүйгээр УИХ-ын гишүүний зөөлөн сэнтийд шууд заларна. Ийм хүмүүс хэн хэн бэ? гэдгийг нэрлэх шаардлага байхгүй. Энэ жагсаалтыг намын дарга тэргүүлж, генсек нь удаалах магадлалтай дүр зураг харагдана. Жагсаалтыг цааш нь, нэгдүгээрт, намдаа нөлөөтэй хоёрдугаарт, намын даргын хармааны хүн, гуравдугаарт , намдаа мөнгө санхүүгийн дэмжлэг үзүүлсэн сүйхээтэй хүмүүс үргэлжлүүлнэ гэж судлаачид үзэж байна. Сүүлд гаргасан судалгаагаар, МАН-9, АН-7, МАХН-5, ХҮН-2 гэсэн урьдчилсан таамаг гарсан. Энэ бол 76 билетний 23 нь хэдийнээ зарагдсан гэсэн үг. Энэ 23 бол нам дотроо үнэ хаялцана. Харин үлдсэн 53 хэн байх вэ? гэдгийг л иргэд сонгогчид шийдэх болжээ. Бид 76-г биш 53 сонгодог болсон, одооноос. Өөрөөр хэлбэл, 23 билет аль хэдийн зарагджээ.
Нийтлэлч Ц.ЭНХБАТ
