УИХ-ын гишүүн асан Молекул Батж.Батбаяр, түүний хүү Б.Баттөрнарын эзэмшдэг "Спэйшл майнз" компани Баянхонгор аймгийн Баян-Овоо сумын 1-р багийн нутаг дэвсгэрт үйл ажиллагаа явуулахдаа ажилчдыг хортой хүнд нөхцөлд ажиллуулж, хамгаалалтын маск, нүдний шил ашиглуулаагүй байсан ажээ. Үүний улмаас тэсэлгээ хийх үеийн доргилтоос болж цианитын уусмал хадгалах савнаас хальснаар дотор ажиллаж байсан ажилтнууд хорджээ. Хордсон ажилчдыг тухайн үед ажиллаж байсан ээлжийн ахлах менежерүүд үйлдвэрээс гаргаж эмнэлэгт хүргэсэн байна. Өнөөг хүртэл хордсон ажилчдын талаарх мэдээллийг нууцалж байгаа ажээ.
Хохирогчид нь Ж.Амгалан, Л.Эрболд гэх 20 гаруйхан настай залуучууд болохыг нутгийн иргэд онцолж байна.
Энэ талаар холбогдох албаныхнаас ямар ч тайлбар мэдээлэл хийгээгүй бөгөөд Баянхонгор сумын иргэд аймгийн нэгдсэн цахим групп дээрээ мэдээлж, эсэргүүцлээ илэрхийлсээр байна.
С.ШҮРЭНЧИМЭГ