Сангийн сайд Хүрэлбаатар ярьж, харагдаж байгаа шигээ ариухан амьтан биш гэдэг нь цухалзаж эхэлсэн. Тэр зүтгэсээр өөрийн намын Засгийн газраа унагаж, хүссэн суудалдаа хүрсэн. Одоо түүнийг сангийн сайд гэхээсээ илүү ерөнхий сайд гэж хардаг болсон. Тэр ийм нөлөөтэй болж чадсан. Тэгвэл түүнийг сайдаас нь огцруулж, шалгах ёстой гэж АН үзлээ. Нэгдүгээрт, түүний арилжаа наймааны асуудал дэгдсэн. Тэр яаж ч үгүйсгэсэн ч, Солонгосын хэвлэлд энэ тухай асуудлыг баримттай дэлгэсэн. Үүнийг шалгаж, нягтлах цаг болжээ. Хоёрдугаарт нь, Хүрэлбаатар төсвийн хуулийг зөрчин, төсвийн сахилга батыг уландаа гишгэж 180 тэрбум төгрөгийг зарцуулсныг АН-ын бүлэг дэлгэж тавилаа. Энэ хоёр үндэслэл нь Хүрэлбаатарыг сангийн сайдаас огцруулахад хангалттай гэж үзэв.
Нямдоржийн хувьд мөн л төсвийн хуулийг зөрчиж, зардал хэтрүүлсэн. Дээр нь олон жил улиг болтлоо яригдаж буй түрээсийн байр нь Эрдэнэтийн 49%-ийн зээл, Жастын Батхүү, Алтжингийн Алтан нартай холбогдож буй тул Ц.Нямдоржийг хууль зүйн сайдаас нь огцруулах нь зөв гэж үзсэнээ сэтгүүлчдэд АН-ын бүлгийн дарга Д.Эрдэнэбат мэдэгдлээ. Дээрх. Шийдвэрээс гадна, УИХ дахь АН-ын бүлэг Эрдэнэт Үйлдвэр, Эрдэнэс Таван толгой, Оюутолгойг шалгах ажлын хэсэг байгуулж, Эрдэнэс Таван толгой ХК-ийг Батзандан , Оюутолгой ХК-ийг Нарантуяа, Эрдэнэт Үйлдвэрийг Пүрэвдорж гишүүнээр ахлуулсан ажлын томилсон байна. Шалгалтын ерөнхий дүнг тавдугаар сарын 20 гэхэд бүлэгт танилцуулах үүргийг ажлын хэсгийн дарга нарт өгчээ.
Ц.ХИШГЭЭ