Хотын дарга С.Батболд сургууль, цэцэрлэгийн дээвэр дээрх үүрэн телефоны антеныг цэгцэлж, PC тоглоомын газруудыг хаахыг үүрэг болголоо. Үүний дагуу нийслэлийн цагдаагийн газар холбогдох байгууллагуудтай хамтарч PС тоглоомын төвүүдийн зөвшөөрлийн асуудлыг судалж, хяналт шалгалтыг нийслэлд шилжүүлэхээр болжээ.
Харин оператор компаниуд руу албан бичиг явуулж, 7-р сарын нэгэн гэхэд бүх антеныг авахаар болжээ.
Өнөөдрийн байдлаар манай улсад 500 гаруй PC толгоомын газар байдаг ч тэнд хүүхдүүд хэдэн цагаар хэрхэн тоглож, юу хийдэгт хяналт тавьж чаддаггүй юм. Үүнээсээ үүдэн бага насныхан PC тоглоомонд донтох, улмаар сэтгэц мэдрэлийн өвчтэй болох нь элбэгшсэн юм. Тиймээс PC тоглоомын газруудыг хаах нь зөв шийдэл гэж хотын дарга үзжээ.
С.ШҮРЭНЧИМЭГ