“Сүрьеэ өвчнөөс Д витамины нөлөөгөөр урьдчилан сэргийлэх” аян өрнөж нийслэлийн гэр хорооллын 15 сургуулийн 8214 хүүхдэд Д витамин гэх зүйлийг өгч байгаа ажээ. Гэвч энэ нь ядуу буурай орнуудын хүүхдүүд дээр туршилт хийж байгаа хэрэг гэж тэд үзэж байна.
Учир нь Д витамин уусан хүүхдүүдэд өвчний шинж тэмдэг илэрч эхэлсэн талаар тэд хэлж байна.
Энэ талаар “Монголын эцэг эхчүүдийн үндэсний зөвлөл”-ийн тэргүүн Ц.Эрхэмбаатар:
“Анх “Монголын Эрүүл мэндийн үүсгэл” ХХК нь 10 мянган хүүхдэд судалгаа хийсэн. Үүнийгээ сүрьеэгийн далд хэлбэрийн тархалтыг судлах судалгаа гэж нэрлэсэн байсан. Энэ хүрээнд 1-5 дугаар ангийн хүүхдүүдээс цусны шинжилгээ хүртэл авсан байдаг юм билээ. Шинжилгээгээр эрүүл гарсан хүүхдүүдэд энэ Д витамин гэх энэ зүйлийг шахаж уулгасан байдаг.
Тухайлбал, манай эгчийн хүүхэд энэ вакцинд хамрагдан туршилтад орж хохирогч болсон. Үүнээс болж өмнө нь цоо эрүүл байсан хүүхэд одоо уушгиар нь хатгаж өвддөг болж, нүд нь ойр ойрхон анивчдаг, бие бялдар нь үлбэгэр, сулбагар болчихсон.
Энэхүү туршилтыг ЭМЯ зөвшөөрч, БСШУЯ хамтран зохион байгуулж байгаад тэд харамсаж байгаагаа илэрхийлж байна. Тиймээс хохирсон хүүхэд эцэг эхчүүд болон, хохирч болзошгүй эцэг эхчүүдийг оролцуулан цаашид жагсаал цуглаан зохион байгуулж тэмцэхээ тэд илэрхийллээ.
С.ШҮРЭНЧИМЭГ
