Синьхуа агентлагийн мэдээ : Америкийн Висконсин мужийн Супериор хотын нэгэн нефть боловсруулах үйлдвэрт 26-нд дэлбэрэлт гарчээ. Дэлбэрэлтийн улмаас олон хүн шархдаж, 5 хүнийг эмнэлэгт хүргэсэн байна
Супериор хотын гал командын хэвлэлд хандан мэдэгдсэнээр, орон нутгийн цагаар үдээс өмнө 10 цагийн орчимд, тус хотын нефть боловсруулах Хаски энержи үйлдвэрийн түүхий нефть, хар тос хадгалж байсан том цистерн дэлбэрч, олон хүн шархдаж, 5 хүнийг эмнэлэгт хүргэжээ. Дэлбэрэлтээс болсон галын аюулыг удалгүй хяналтдаа авсан байна.
Хэргийн дараа тус үйлдвэр болон ойр орчмын замыг хаасан байна.
Орон нутгийн хэвлэлийн мэдээлснээр, нефть боловсруулах Хаски энержи үйлдвэр бензин зэрэг химийн бүтээгдэхүүн үйлдвэрлэдэг бөгөөд 180 орчим ажилтантай юм байна.