Тээврийн прокурорын газрын хяналтын прокурор асан Х.Тамир хар тамхины хэргээр шалгагдаж байх хугацаандаа ахин хар тамхи хэрэглэжээ.
Тодруулбал, түүнийг хууль бусаар хар тамхи олж авсан, хадгалсан болон хэрэглэсэн гэх үндэслэлээр энэ сарын 25-ны өдөр хууль хяналтын байгууллагаас саатуулжээ.
Х.Тамир нь саатуулагдах үедээ хамт хар тамхины хэргээр цуг шалгагдаж байгаа Тагнуулын ерөнхий газарт ажиллаж байсан Б.Амарбаясгалан, өмгөөлөгчтэйгөө хамт байсан бөгөөд тэд мөн хар тамхи хэрэглэсэн болох нь шинжилгээгээр тогтоогджээ. Тэрээр олон жилийн өмнө хар тамхины хэргээр саатуулагдан шалгагдаж байсан бөгөөд хэрэг нь шүүхээр эцэслэн шийдэгдээгүй байсан юм. Х.Тамир нь УИХ-ын гишүүн асан Д.Хувьтөгөлдөрийн хүү, Сүхбаатар, Чингэлтэй дүүргийн Эрүүгийн хэргийн анхан шатны шүүхийн шүүгч Х.Идэрийн төрсөн дүү юм.
Б.ХУЛАН