Дэлхийн түүхэнд тэмдэглэгдэн үлдэх АНУ болон БНАСАУ-ын төрийн тэргүүн нарын дээд хэмжээний уулзалт маргааш /2018.06.12/ өглөө 09.00 цагт Сентоза арлын Капелла зочид буудалд эхэлнэ.
Хоёр улсын төрийн тэргүүн нар өчигдөр орой Сингапур улсад хүрэлцэн ирсэн байна. БНАСАУ-ын удирдагч Ким Жон Уны хувьд өчигдөр Сингапурын Ерөнхий сайд Ли Сянь Лунтэй уулзсан бол АНУ-ын Ерөнхийлөгч Дональд Трамп өнөөдөр 11.00 цагт Сингапурын Ерөнхий сайд Ли Сянь Лунтэй уулзахаар болжээ.
Энэхүү дээд хэмжээний түүхэн уулзалтыг дэлхийн 14 орны 3000 гаруй сэтгүүлч сурвалжлахаар бэлтгэл ажил хангагдаад байгаа аж.
Б.ХУЛАН
