.jpg)
УИХ-ын гишүүн Гантулгыг УИХ-ын чуулганаар чөлөөллөө. Нийт 60 гишүүн оролцсоноос 48 гишүүн кнопдосноор хамгийн залуу гишүүн Гантулгыг энгийн иргэний байранд тавилаа. Тэгснээр Гантулга хууль, хяналтын байгууллагын мэдэлд бүрэн шилжив. "Гэмт хэрэг үйлдсэн нь тогтоогдсон. Тиймээс Гантулгыг УИХ-ын гишүүнээс түдгэлзүүлж өгөхийг хүсье." Ингэж чуулганы индрээс ерөнхий прокурор хэлж байсан. Хэдийгээр УИХ-ын чуулганд оролцсон 57 гишүүний 29 нь түлгэлзүүлэх шаадлагагүй гэж үзсэн тогтоолыг баталсан ч Гантулга залуу насны ааг омгоор УИХ-аас чөлөөлөх хүсэлтийг өөрөө гаргасан. - Шударга шүүх гэж байдаг бол би үнэнээ тогтоолгоно.
Буруугүй гэдгээ нотолно гэж Гантулга чөлөөлөгдөх өргөдлөө УИХ-ын даргад гардуулахын өмнөхөн сэтгүүлчдэд хандаж хэлсэн. Тэр мөн өөрийгээ " улс төрийн золиос" боллоо гэж тодотгосон. Түүнийг эмэгтэй 11 гишүүн "буруугүй гэдгээ шалгуулаад, нэрээ цэвэрлээд ир" гэж шахаж, УИХ-ын тогтоолд хориг тавиулах албан тоотыг Х.Баттулга ерөнхийлөгчид хаягласан бол сэтгүүлч мэргэжилтэй Сарангэрэл, Оюунчимэг нар тэдэнтэй нэгдээгүй. Ийнхүү УИХ-д нэгэн суудал онгойж, түүнийг нөхөх нөхөн сонгуулийн чимээ наашиллаа.
Ц.ХИШГЭЭ
