Монгол Улсын ой, модны үйлдвэрлэлийн салбарт 450 орчим үйлдвэр үйл ажиллагаагаа явуулж, энэ салбарт 6000 гаруй хүн ажиллаж, жилдээ 220 гаруй тэрбум төгрөгийн бүтээгдэхүүн үйлдвэрлэдэг байна. Үүнээс 90 хувь нь 5-10 ажилчинтай жижиг үйлдвэр байгаа бол 10 хувь нь 30-300 хүртэлх ажилтантай дунд аж ахуйн нэгж юм.
Үйлдвэрлэлийн чиглэлээр нь авч үзвэл:
Харин эдгээр үйлдвэр, цехүүд мод, модон материал, тавилгын дотоодын хэрэгцээний 45 орчим хувийг хангаж байна.
2017 оны байдлаар Монгол орны ойгоор бүрхэгдсэн талбайн хэмжээ 12,3 сая га байгаа бол ойн сан бүхий газар 18,6 сая га талбайг эзэлж байна гэсэн судалгааг гаргажээ.
Ойн нөөцийн хувьд:
1,2 тэрбум шоо метр ургаа мод,
170 сая шоо метр хатсан мод,
248 сая шоо метр унанги модны нөөцтэй. Нийт нөөцийн 80,7 хувийг шинэс мод эзэлдэг.
МАНАЙ УЛСЫН МОДНЫ ЖИЛИЙН ХЭРЭГЛЭЭ 3,6 САЯ ШОО МЕТР
Манай улсын хувьд модны жилийн бодит хэрэгцээ нь 3,6 сая шоо метр ажээ. Харин өнөөдрйин байдлаар жилд 800,0 мянган шоо метр мод бэлтгэж байгаа юм. Тиймээс ойн тогтвортой менежмент хэрэгжүүлж, байгаль орчинд ээлтэй технологиор ойн аж ахуй эрхэлж, ойгоос бэлтгэх модны хэмжээг нэмэгдүүлэх бодлогыг Байгаль орчин, аялал жуулчлалын яам баримталж байгаа ажээ.
Тухайлбал, “Төрөөс ойн талаар баримтлах бодлого”, “Ойн цэвэрлэгээ”, “Үйлдвэржилт 21:100” хөтөлбөр зэрэг бодлогын баримт бичиг батлан гаргаж, дотоодын зах зээлээ хамгаалах, төрийн худалдан авалтыг нэмэгдүүлэх бодлого барьж байгаагаа “Хамтын ажиллагаа-хөгжлийн тулгуур” сэдэвт Ой, модны үйлдвэрлэл эрхлэгчдийн улсын зөвлөгөөний үеэр онцолжээ.
С.ШҮРЭНЧИМЭГ