Үндэсний Их баяр наадмын тасалбарыг ирэх сарын 7-ноос эхлэн нийслэлийн нэг цэгийн үйлчилгээний төвүүдээр дамжуулан худалдаална.
Драгон, Дүнжингарав, Мишээл, Зургаан буудлын Оргил төв дэх нийслэлийн нэг цэгийн үйлчилгээний төвүүдээр дамжуулан борлуулах шийдвэрийг баяр наадам зохион байгуулах хорооноос гаргажээ.
Наадмыг Төв цэнгэлдэхэд үзэх тасалбар гурван төрлийн багцаас бүрдэнэ. Өөрөөр хэлбэл, наадмын нээлт, бөхийн барилдаан, наадмын хаалт гэсэн гурван төрөл байх ба үнийн хувьд 24 мянган төгрөг байна.
Түүнчлэн нэг хүнд хоёроос илүү тасалбар олгохгүй байхаар төлөвлөжээ.
Наадмын тасалбарыг онлайнаар худалдахгүй гэж зохион байгуулагчмэдэгдлээ.
Б.ХУЛАН
