Сангийн яамнаас “Чингис бонд”, “Дим сам” бондуудын эргэн төлөлт ямар байдалтай байгаа талаар мэдээлэл хийлээ.
Засгийн газраас энэ онд 3,8 их наяд төгрөгийн бондын хүүг төлөх ёстой юм байна. Үүнээс энэ зургадугаар сард 753,3 тэрбум төгрөгийг төлжээ. Хөнгөлөлттэй гадаад зээлийн хүүгийн төлбөрт 27,6 тэрбум, “Чингис” бондын хүүнд 61,8 тэрбум төгрөг, “Дим сам” бондын хүүнд 370,5 тэрбумыг төлөөд байгаа аж. Харин дотоодын өр буюу “Сайн малчин”, “Сайн хувьцаа” зэрэг хөтөлбөрийг санхүүжүүлэхээр гаргасан үнэт цаасны эргэн төлөлтөд 293,4 тэрбум төгрөгийг төлж барагдуулжээ. Эдгээр төлбөрийг барагдуулахдаа өндөр хүүтэй өр зээл тавихгүйгээр шийдсэн гэж Сангийн яамнаас онцоллоо.
Ц.ЖАРГАЛ
