"Би нөхөн сонгуульд өрсөлдөхгүй. Надад намын дарга, ерөнхий сайд гээд хангалттай давхар дээл байна" гэж шалтаг заав. Ийм тайлбарыг тэрбээр Амарзаяа гишүүнд тоочлоо. Эрх баригч намын дарга, ерөнхий сайдын энэ байр суурь нь МАН Хэнтийн тойргийн нөхөн сонгуульд оролцохгүй гэсэнтэй агаар нэг сонсогдлоо. Улс төрийн нам яах гэж оршин тогтнодгийг манай намын дарга одоо хүртэл сайн ойлгоогүй бололтой гэх шүүмжлэлийг журмын нөхдүүд нь нам дотроо өрнүүлж эхэлжээ. Нэр дэвшихгүй ч, түүнийгээ арай ухаалгаар тайлбарлачих байсан юм. Тэр ямар ч гэсэн хулчийлаа. Өөртөө итгэлгүй байна. Эрх барьж байгаа намын дарга нэр дэвшихээс зайлж, өрсөлдөгчөөсөө хулчийна гэдэг бол энэ нам нурахын эхний цондон.
Ц.ЭНХБАТ