БНХАУ-ын Засгийн газрын 30 сая долларын хөнгөлөлттэй зээлээр Хан-Уул дүүргийн 4 дүгээр хорооны нутаг дэвсгэрт хэрэгжих “Яармагийн шинэ гүүр барих, хуучин гүүрийг засварлах” төсөл өнгөрсөн 2017 онд эхэлсэн билээ.
Тэгвэл шинэ гүүр барих ажил дуусч өнөөдөр зорчих хэсгийг нээж, хөдөлгөөнийг нэвтрүүлж эхлэх гэж байна.
Анх 1959 онд барьсан хоёр урсгалтай хуучин гүүр Улаанбаатар хотод буй 840 гаруй мянган автомашины даацыг даахаа больж, элэгдэлд ороод байсан учраас өнгөрсөн хугацаанд түр гүүрийг дэргэд нь тавьж гүүрийг засварлаж эхэлсэн юм.
Ингэснээр хуучин хоёр эгнээ урсгалтай гүүрийг шинэчлэхийн хажуугаар нэмээд шинээр дөрвөн урсгалтай гүүр барьснаар Яармагийн гүүр зургаан эгнээтэй болох юм.