.JPG)
“Монгол биш дэлхий шатаж байна” хэмээн түймэр Монголд гарсан түймрийг унтраалцаж явсан сайхан сэтгэлтэн энэ залууг Dimitry Lauwers гэдэг. Белги Улсаас ирсэн. Жил бүр Монголд ирдэг тэрээр ирэх бүртээ л ямар нэгэн сайн үйлсийн аян өрнүүлж, тусламжийн үйл ажиллагаа өрнүүлдэг байна. Dimitry энэ удаад Монгол улсын үндэсний их баяр наадмын босгон дээр Нарангийн энгэрийн хогийн цэг дээр 12 жилийн турш амьдарч байгаа Пэрэнлэй өвөөг гэртэй болгох санаачилгад нэгдэж, түүнд гэр авч өгчээ.
Мөн Нарангийн энгэрт амьдардаг олон хүнд 650 евро буюу нэг сая 800 мянган төгрөгөөр 50 ширхэг хүнсний бүтээгдэхүүн бүхий багц, хүүхдүүдэд зориулж 20 ширхэг бэлгийг бэлтгэн тарааж өгчээ.
Тэрээр энэ тухайгаа “Монголын нэг ядуу гэгдэх эдгээр хүмүүст тусалсан нэг өдөр. Энэ хүмүүс болон хүүхдүүд бидэнтэй нэг цаг хугацаанд бидний нэг болон амьдарч байгааг харах үнэхээр сэтгэл өвтгөм байлаа. Энэ тусламж бол бидний зорьсон зүйлийн өчүүхэн хэсэг бөгөөд тэдэнд үүнээс ч илүү тусламж хэрэгтэй байгааг би харлаа. Тэдний төлөө хийсэн өчүүхэн зүйлд минь тэд үнэхээр их баярласныг хэлэх хэрэгтэй...” гэжээ.
С.Шүрэнчимэг
