Энэ сарын 15-ны өдөр хиам утлагын ууранд түлэгдэж амиа алдсан золгүй хэрэг гарчээ. Тодруулбал, Сонгинохайрхан дүүргийн IV хороонд мах, хиам утах зориулалттай халуун уурын төмөр хоолойноос хий авах явцад крант мултарч, ээлжийн сантехникч амиа алдсан байна. Сонгинохайрхан дүүргийн харьяат 45 настай иргэн Т халуун ууранд түлэгдэж нас барсан тухай дуудлага өглөө 10 цаг өнгөрч байхад Нийслэлийн онцгой байдлын газар ирсэн байна. Дуудлагын дагуу аврах ангийнхан ажиллаж, цогцсыг цагдаагийн байгууллагад шилжүүлжээ.
