Ерөнхий сайд У.Хүрэлсүх онцгой байдлынхантай уулзаж, чиг үүрэг өглөө. Наадмаас хойш үргэлжилсэн борооны улмаас Баян-Өлгий аймаг үерийн гамшигт нэрвэгдэж, 10 гаруй тэрбум төгрөгийн хохирол учраад байгаа. Мөн улсын чанартай100 км авто зам эвдэрсэн, гүүр нурсан. Хоёр иргэн үерийн усанд амиа алдсан харамсалтай явдал болсон. Иймээс Ерөнхий сайд улсын онцгой комиссыг хуралдуулж, сайд дарга нарт үүрэг өгөв. Улсын чанартай зам эвдэрснийг яаралтай засах, Баян-Өлгийд болсон үерийн улмаас сүйдсэн газрыг сэргээн босгох, Улаанбаатар хотод байгаа үерийн аюултай бүсэд амьдарч буй иргэдийг нүүлгэн шилжүүлэх зэрэг үүргийг холбогдох албаныханд өглөө.
Улсын онцгой комиссын хурлаар Баян-Өлгий аймагт таван ханатай 80 гэр, ус зөөвөрлөх машин, эмнэлгийн машин зэргийг нөөц сангаас олгохоор болсон байна