Өчигдөр Сүхбаатар аймгийн Халзан суманд борооны усны тогтоолд тав, есөн настай хоёр хүүхэд амиа алдсан харамсалтай хэрэг гарсан байна. Энэ тухай дуудлага аймгийн онцгой байдлын албанд өчигдөр оройн 19 цагийн орчимд иржээ. Дуудлагын дагуу онцгой байдлын албаныхан ажиллаж, хоёр хүүхдийн цогцсыг уснаас гарган авсан байна.
Ус, цаг уур, орчны шинжилгээний газрын мэдээгээр энэ долдугаар сарыг дуустал нийт нутгаар усархаг бороо орох төлөвтэй байгаа тул эцэг эхчүүд хүүхдүүдээ үер усны аюулаас сэрэмжлүүлж, хол газар явуулахгүй байхыг зөвлөж байна.