Авлигатай тэмцэх газраас сүүлийн үед шийдвэрлэсэн хэргүүдийн талаарх мэдээллийг өгч байна. Шадар сайдын ахлах зөвлөхөөр ажиллаж байсан Г.Дэнзэнд холбогдох хэргийг прокурорт шилжүүлэхээр болсон байна.
Ерөнхий сайд асан Н.Алтанхуягийн хүргэн Г.Дэнзэн нь Замын-Үүдийн эдийн засгийн чөлөөт бүсийн хил, гаалийн шалган нэвтрүүлэх боомтод автотээврийн хэрэгслийн жинлэх 150 тонны даацтай хэмжилтийн пүүг худалдан авах сонгон шалгаруулах үнэлгээний хорооны ажлын хэсгийн даргаар томилогдож албан тушаалын эрх мэдлээ урвуулан ашигласан хэргээр шалгагдаж байгаа юм.
Мөн Авлигатай тэмцэх газрын мэдээллээр ННҮГ-ын дарга Д.Одончимэг, ерөнхий нягтлан бодогч Д.Энхжаргал нар нь албан тушаалын байдлаа урвуулан ашиглан үндэслэлгүй хөрөнгөжсөн, 2012-2017 онд өөрсдийн хамаарал бүхий 9 компаниар дамжуулан 1,5 тэрбум төгрөг завшсан хэргийг шүүхэд шилжүүлэхээр болсон байна.