Олон улсын валютын сангийн Үнэлгээний багийнхан Монголд ирж ажиллаж байна. Өнөөдөр Сангийн сайд Ч.Хүрэлбаатартай уулзаж, нийгэм, эдийн засгийн нөхцөл байдалтай танилцжээ.
Монгол Улсын Засгийн газар Олон улсын валютын сангийн “Өргөтгөсөн санхүүжилтийн хөтөлбөр”-т хамрагдсан. Хөтөлбөрийн хэрэгжилт ямар явцтай байгаад үнэлэлт дүгнэлт өгөхөөр Үнэлгээний багийнхан ийн ирээд байгаа юм.
Ирэх наймдугаар сарын 6-ныг хүртэл ажиллах бөгөөд энэ удаагийн хэлэлцээрийн үеэр төрийн албан хаагчдын цалинг нэмэх тухай асуудлыг ярилцахаар төлөвлөөд байгаа гэж Сангийн яамны зүгээс мэдэгдэв.