Борооноос ёстой болж байна аа. Энд тэндгүй бороо гоожиж, зам эвдэрч, хонхор хүнхэр болгон усаар дүүрч, урсч орхилоо шүү. Бүр байтлаа Гэрэлт гудамжны замын тэмдэглэгээ өглөө сэрэхэд бороонд урсчихаж. Ээ дээ энэ бороог ээ...
“Жоби төв” замын тэмдэг, тэмдэглэгээний будаг үйлдвэрлэж эхэлсэн юм байна. Тэгээд яахав дээ, нийслэл хотдоо нэг ч гэсэн ажил үнэгүй хийж өгч. Хатаж амжаагүй байтал нь бороо хамчихаж. Яалтай чиг вэ. 16 сая төгрөг зарцуулсан юм байна. Будаг үйлдвэрлэж, юм хийж байгаа л юм байна, нэг удаа бороонд нүдүүлээ л биз. Засаад, дахиад будчих л байлгүй дээ.
Нийгмийн сүлжээ гэгч нь айхтар адтай юм болохоороо шүүрч аваад борооноос ч дор элдэв үгээр “шүрших” юм. Гялаан юм харахаараа үргэж бусгадаг адуу шиг, нэг юм болохоор л пичигнэтэл шүүмжилж, гутаадаг аа л татчихвал ч...
Ц.БУЛГАН