Хэнтий аймгийн Жаргалтхаан, Мөрөн зэрэг гурван суманд аравдугаар сарын 7-ны өдөр УИХ-ын нөхөн сонгууль явагдана. УИХ-ын 42 дугаар тойргоос МАН-ын нэр дэвшигч Д.Гантулга сонгогдож байсан ч, тэрбээр хүчирхийллийн хэрэгт нэр холбогдож, улмаар өөрийн хүсэлтээр УИХ-ын гишүүний бүрэн эрхээсээ түдгэлзсэн юм. Түүний ор гарсан суудалд хэн суух вэ гэдэг нь улс төрийн намуудын бас нэгэн том тоглолт болж хувираад буй. МАН, АН-ын хувьд өнөөдөр хэнийг нэр дэвшүүлэхээ шийдэх бол МАХН-аас Н.Энхбаяр нэр дэвших болов уу гэсэн таамаг гараад байгаа. Харин ИЗНН-ын Үндэсний хороо Төр хурахын аманд хуралдаж, Хэнтийн нөхөн сонгуульд оролцох шийдвэр гаргасан байна.
Ийн намууд нөхөн сонгуульд оролцоно гэдгээ зарлаж, нэр дэвшигчээ тодруулах гол ажилдаа ороод байна.
Ц.БУЛГАН