БАГШ НАР 9 САРЫН 1-НЭЭС АЖИЛ ХАЯХ САНАЛ ГАРГАЖЭЭ

2018-08-06  

             

Монголын багш нар өнгөрсөн оны яг энэ өдрөөс эхэлж цалин нэмүүлэх шаардлагыг засгийн газарт тавьж эхэлсэн. Манайд нэг багшийн цалин дунджаар 400-500 мянган төгрөг байдаг. Мэргэжлээсээ шалтгаалаад илүү цагаар ажилладаг, хичээлийн хэрэглэгдэхүүнийг хувийн мөнгөөр авдаг гэх мэт асуудлуудаас үүдэж тэдний хөдөлмөрийг хэтэрхий багаар үнэлж байгааг хэлдэг.

Үүнийхээ хүрээнд 2018.01.23 нд үйлдвэрчний эвлэлийн холбоотой хамтарч орон даяар ажил хаялт зарласан юм. Засгийн газрын зүгээс “Цалинг шат дараатай нэмнэ” гэж “амыг нь боогоод” одоо болтол нэг ч төгрөг нэмээгүй байна. Тиймээс Багшийн цалинг нэмүүлэх түр хорооноос мэдэгдэл хийж, 9 сарын 1-д ажил хаяна гэсэн багш нар олон байгааг хэллээ.

 Энэ талаар Багшийн цалин нэмүүлэх түр хороо ТББ-ын тэргүүн Ц.Мөнхтуяа ярихдаа “Баш нарын ажил хаях хөдөлгөөн дэргэдээ ТББ байгуулж ажиллаж байгаа. Энэ хичээлийн жилийн эхний өдрөөс ажил хаяъя гэсэн санал багш нараас их ирж байгаа. Тиймээс бид 8 сарын 8-нд үйлдвэрчний хорооны удирдах зөвлөлөөрөө хуралдаад сүүлийн шийдвэрээ гаргана. Төрийн зүгээс ОУВС-ийнхан зөвшөөрвөл цалин нэмнэ гэсэн бөөрөнхий хариулт хэлсэн. 2018 оны 4-р улирлаас бага хэмжээгээр нэмнэ гэсэн сураг төдий зүйл байгаа. энэ бүх зүйлийг тодорхой болгомоор байна” гэсэн юм.

Багш нар цалингаа их болгоё гээгүй, хөдөлмөрөө шударга үнэлүүлье гэсэн санаагаар ийнхүү тэмцэж байгааг мөн хурлын үеэр онцоллоо. Хөгжлийн хамгийн чухал салбар болох боловсролын салбарын гол боловсон хүчний  400 мянган төгрөгийн цалин хаанаа ч хүрдэггүй. Ихэнх нь зээлэндээ төлөгдөж гар дээр 60 мянган төгрөг авдаг байна. Нийт багш нарын 90 хувь нь яг ийм цалинтай гэж тус ТББ-ын гишүүд ярьж байсан юм. Харин гадны орнууд тухайлбал Англид 3000-4000 долларын цалин авдаг байна.  Ингэснээрээ тус салбараар дамжиж, сурч хөгжиж буй хүүхдүүдийнэ сурлагын чанарт ч нөлөөлдөг байна. 

 

О.НАНСАЛМАА

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
100 хувь дэмжиж байна:цалин нэмээгүй 4 жил болход бүх барааны үнэ нэмэгдээд наймаачид улс төрчид бүгд хохирлоо нөхсөн тэд алдаагүй харин жирийн жилчид л 1000 төгрөгөөр авдаг бараагаа 5-6000 төгрөгөөр авч байгаа одоо пэрэнлэй гэж тарианы хулгай зурагтаар үр тарианы үнэ чөлөөл бид амандаа багтсан тогоор өсгөж гурлын үнийг нэмж ард түмэнг элгээр нь хэвтүүлж бахаа хангах тухай тэр Пэрэнлээ хэмээх ялтан байсан нөхөр яриад байналээ тэгэхээр багш болон төсвийн ажилчид улсын ажлыг нуруундаа үүрч "хуучин хүүгийн" бүх ажлыг хийж байна. баячууд зөвхөн баячуудаа дэмждэг төр ч гэлээ барлагуудаа бараагаа авдаг мөнгөтэй болгохгүй бол өөрсдөө ч дампуурч байна.баялаг ухаж баяжигчид баялаг бүтээгчид гэж өөрсдийгөө өргөмжлөнбагтаж ядталаа идээд гулгиж янцаглаж зарим нь хахаж үхэж, их хуралд сууж дуртайгаа хийж байхад оюун бүтээгч, боловсрол бүтээгч, ер нь хүний ухамсрыг бүтээгч багш нар, нийгмийг хөдөлгөгч гол хүч зөвхөн хүний төлөө ажилладаг бүх төсвийн жирийн ажилчид их тэслээ одоо ч тэсрэх байхаа тэгэхээс аргагүй дээ хөөрхийс 2018-08-14
Төстэй мэдээ
Шинэ мэдээ
Санал асуулга
"ТҮМНИЙ-76"-Г ОЛОН НИЙТИЙН САНАЛ АСУУЛГААР ТОДРУУЛАХ НЬ ЗӨВ ҮҮ ?