2016 оны сонгуулийг иргэд янз бүрээр харж байна. Янз бүрээр оролцож байна. Ямар ч гэсэн иргэдийн идэвхи урьд өмнөх сонгуулиас хавьгүй өндөр байх магадлалтай. Хариуцлага нэхэх, тооцоо хийх тухай их ярих боллоо. Тэдний нэг болох "Жудагт Монгол" хөдөлгөөн идэвжилээ. Тэд 2016 оны сонгуулиар ЖУДАГТАЙ МОНГОЛ хүнийг сонгохыг ард иргэддээ уриаллаа. Жудагтай Монгол хөдөлгөөнийхөн УИХ-д нам намаас нэр дэвших хүмүүсээс "ХАМГИЙН ЖУДАГТАЙ-76"-г сонгож өгөхийг иргэд сонгогчдоос хүснэ гэдгээ илэрхийллээ.
Тэдгээр 76 нэр дэвшигчтэй гэрээ хийх төлөвлөгөөтэй байгаагаа тус хөдөлгөөний тэргүүн Ж.Гомбожав нийтэд задаллаа.
Залуучуудын холбооны Мөнхбат сонгож болохгүй хүмүүсийн хар жагсаалт гаргах бол Жудагтай Монголоос дэмжиж болох 76 нэр дэвшигчийн цагаан жагсаалтыг гаргах нь гэж ойлгож болох нь ээ.
Тоймч Д.ЦЭНД
