"Алс Дорнодын эдийн засгийн форум 3 дахь жилдээ амжилттай зохиогдож байна. Энэ жил илүү олон төлөөлөгч дэлхийн өнцөг булан бүрээс иржээ. Алс Дорнод бол стратегийн маш чухал бүс. Энд эрчим хүчний нөөц бий. Тиймээс Хятад улсын хувьд Алс Дорнодын эдийн засгийг хөгжүүлэх гол хөрөнгө оруулагчийн хувиар оролцож байна. Хятад, Оросын найрсаг харилцаа, эдийн засгийн хамтын ажиллагаа шинэ түвшинд гарсны томоохон илрэл бол Алс Дорнод, Алс Дорнодын эдийн засгийн форум юм.
Хятад улс бол энэхүү бүсийг хөгжүүлэх хамгийн том хөрөнгө оруулагч. Орос, Хятад бол хамгийн том хөршөөс гадна, эдийн засаг, улс төрийн зорилго нэгтэй улс гүрнүүд. Энэхүү форумыг санаачилсан Оросын ерөнхийлөгч Путин, Оросын ард түмэнд баяр хүргэе гэж Си Жин Пин хэлсэн үгэндээ онцоллоо. Тэрбээр Орос, Хятад улсын найрсаг харилцааг улам өргөжүүлэн тэлэх, тэр дундаа соёлын, залуучууд, сурагчдын солилцоог улам эрчимжүүлэх нь чухал гэж үгээ төгсгөлөө. Владивостокт яг өнөөдрийн байдлаар 500 хятад сурагч дунд сургуульд суралцдаг юм байна.
Ц.ХИШГЭЭ