МАХН-ын маргааныг Дээд Шүүх эцэслэж, МАХН-ын дарга бол Н.Энхбаяр мөн гэдгийг баталгаажуулсан байна. МАХН-ын ээлжит Их Хурал, дүрмийг Дээд Шүүхээс хүлээн зөвшөөрснөөр О.Баасанхүүгийн гомдлыг тас цохилоо. Баасанхүүгийн удирдан зохион байгуулсан МАХН-ын ээлжит хурлыг үл хэрэгсэж, дахиж гомдол гаргах эрхийг нь ч хаасан байна. Ингэснээр МАХН нэг толгойтой болсныг албан ёсоор тунхаглав.
МАХН улс тѳрийн сонгуульд Баасанхүүгээс үл хамааран оролцох үүдээ нээлээ. Тун удахгүй дүрмийн ѳѳрчлѳлтийн дагуу УИХ-ын гишүүн О.Баасанхүүг намын үйл ажиллагааг сарниулах, намыг бутаргах оролдлого хийсэн гэх үндэслэлээр МАХН-аас хѳѳхѳд бэлэн болсон байна. Ийнхүү Баасанхүү намгүй болж, суурь нь ганхаснаар 2020 оны сонгуульд дахин сонгогдох нь эргэлзээтэй боллоо.
О.НАНСАЛМАА