6 ЖИЛИЙН ДОТОР 259 ХҮН СЭЛФИДЭЖ БАЙГААД АМИА АЛДЖЭЭ

2018-10-04  

Гар утсаараа селфидэж байхдаа азгүй тохиолдлоор амиа алдсан хүний тоогоор Энэтхэг, ОХУ болон АНУ тэргүүлж байгаа тухай “Journal of Family Medicine and Primary Care” сэтгүүлд нийтлэгдсэн судалгаанд дурджээ.

Уг судалгааг Энэтхэгийн мэргэжилтнүүд хийсэн байна. Тэд түлхүүр үг ашиглан дэлхийн улс орнуудын мэдээллүүдийг судалж, 2011 оны аравдугаар сараас 2017 оны арваннэгдүгээр сарын хооронд 259 хүн селфидэж байгаад амиа алдсан гэдэг дүгнэлтэд хүрчээ. Селфи хийх үедээ хамгийн олон буюу 159 хүн Энэтхэгт амиа алдсан байна. Тус улсын дараагаар Орос /16/, АНУ /14/, Пакистан /11/ улс оржээ. Судлаачдын мэдээлснээр, селфидэж байхдаа амиа алдсан хүмүүсийн дундаж нас нь 23 орчим байсан байна. Ингэж амиа алдсан хүмүүсийн дийлэнх нь буюу 72,5 хувь нь эрэгтэйчүүд байгаа нь тэд гэрэл зураг авахдаа эрсдэл гаргах илүү дуртай байдагтай холбоотой аж.

Судлаачид мөн 2014-2015 оныхтой харьцуулахад 2016-2017 онд селфидэж байхдаа илүү олон хүн амиа алдсан болохыг дурджээ. Энэ нь гар утсыг ихээр ашиглах болсонтой холбоотой байна. Селфидэж байгаад амиа алдсан тохиолдлыг хөгжиж буй орнуудад бүртгэдэггүй учраас ийм тохиолдлоор амиа алдсан бүх тоо баримтыг оруулаагүй болохыг судлаачид онцлон дурджээ.

 

Б.ХУЛАН

 

 

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга