Түүнийг ингэж хэлэх үндэс байна. Төсөв тааруу болсон нь сангийн сайдтай гэхээсээ У.Хүрэлсүхтэй холбоотой. Төрийн захиргааны газрын хоёр дарга зодолдож, нэгнийхээ амь насыг хөнөөсөн явдал ч түүний хамаарах асуудал.
Жижиг дунд үйлдвэрлэлийг дэмжих сангийн үйл ажиллагаа ч мөн л Засгийн газрын үйл ажиллагаатай уялдаатай. Тэр энэ бүхний араас гарч ирэхдээ нэг л гэмгүй, шударга баатрын дүр төрх эсгэх болов. Асуудлыг урьдчилан харж, сэргийлж чадахаа больсон. Асуудал үүссэн, газар авсан хойно, бүхнийг мэдэгч, шударга үнэнийг тогтоогч, асуудлыг шийдвэрлэгч маягаар оролцох болов.
Ядарсан ард түмнээ өмгөөлсөн, задарсан авилгачдыг дарсан ерөнхий сайд болно гэж хэлсэн үгээ ч мартжээ. Кабинетээ аврах, өөрийнхээ сандал суудлыг хадгалахын тулд ХХААХҮЯ-ны сайдаа золих улс төрийн шийдвэр гаргах арга саамыг нэн түрүүнд сүвэгчилж, гал унтраахаар санаархаж байна.
Ц.ХИШГЭЭ