Өчигдөр буюу 2018.11.21-ний өдөр 20 цагийн үед Архангай аймгийн Цахир сумын Жинст багийн нутаг "Солонготын даваа" гэх газар T.Land cruiser-200 маркийн автомашин замаас гарч, гүүрний далан мөргөж жолооч 60 настай Б, 54 настай Г, 29 настай Ж, 36 настай Ц нарын дөрвөн хүн гэмтсэн осол гарчээ.
Уг хэргийг Архангай аймаг дахь цагдаагийн газарт шалгаж байгаа бөгөөд осолд орсон дөрвөн хүний нэг нь ухаан ороогүй биеийн байдал нь хүндхэн байгаа юм байна. Харин бусдынх нь биеийн байдал гайгүй байдалтай байгаа аж. Гэмтсэн иргэдийг УБ хотод авч ирэхээр нисдэг тэрэг явсан тухай мэдээллийг Тээврийн Цагдаагийн албанаас мэдээллээ.
