Яруу найрагч, кино зохиолч, МАН-ын ерөнхий нарийн бичгийн дарга асан, УИХ-ын гишүүн Ж.Мөнхбат ард иргэдээсээ тасархай амьдардаг. Тэрбээр мөнгө санхүүгийн чадалтай болсон учир хотын төвд гурван тэрбумын үнэ өртөг бүхий хаус худалдаж авснаа Цензургүй ярианд орохдоо зөвшөөрлөө. Энэ бол түүний ихээхэн хөрөнгөжсөний өчүүхэн илрэл.
Харин тэрбээр хэрхэн хөрөнгөжсөнөө хууль хүчний байгууллагад хэрхэн тайлбарлах бол? Нэвтрүүлэгт орохдоо билет, анонс, энэ тэр харуулаад үзэгчдийг аргалж болно гэж үзье. Тэгвэл хуулийн байгууллагыг түүгээрээ аргалж чадах уу? Ямар ч гэсэн тэрбээр ярилцлагад орохдоо бэлтгэлтэй ирсэн нь, зохих баримтыг авчирснаас харж болох байлаа. Гэвч тэр нэг зүйлийг тооцсонгүй. Цензургүй ярианд орсон олон улс төрч "унасан". Улсын Их Хурлын Танхимыг нам гүм болгож, гишүүдийг сүрдүүлж байсан ТЕГ-ын дарга Хурц ч Цензургүй ярианд орсны дараа "унасан". Энэ бол сэтгүүлч Мөнхбаясгалангийн гавьяа.
Тэгвэл Ж.Мөнхбат мөн л "буудуулан" навсайтлаа "уналаа". Ж.Мөнхбат "айжээ".
М.Энхболдын хамт МАН-аа ялалтанд хүргэсэн гавьяатай. Өөрөө УИХ-д сонгогдсон. Дайчин, хурц зан авиртай. Гэвч түүнийг хууль хүчний байгууллагаас түүнийг шалгах ажиллагааг зэхэж буй гэж мэдээлэх болсон. Түүнээс урьдчилан сэргийлж Ж.Мөнхбат нэвтрүүлэгт орсноороо лав л зөвдсөнгүй.
Д.НАРАНБАТ
