УИХ-ын гишүүн Л.Болд, Ж.Батзандан нар дараах мэдэгдлийг хийлээ.
УИХ-ын гишүүн Л.Болд "Миний бие АН-ын бүлгээс гарч буйгаа албан ёсоор мэдэгдье. Өнгөрсөн өдрүүд маш их дарамт, гүтгэлэгтэй нүүр туллаа. Гэвч монголынхоо нийт сонгогчдын төлөө шударгын талд зогссон минь үнэн билээ. Надад эрх ашгийн зөрчил байхгүй. Цаг хугацаа бүхнийг харуулна.
Харин УИХ-ын гишүүн Ж.Батзандан: "Аливаа улс төрч хүн үндэсний эрх ашгийн үүднээс асуудлыг томоор харах ёстой. Намайг АН хөөсөн учир би АН-аас гарч байгаагаа мэдэгдье. Өнөөдрөөс эхлэн АН бүлэггүй боллоо. УИХ-ын гишүүн ард түмний төлөөлөл болохоос биш улс төрийн шийдвэрийг гүйцэтгэгч нь биш. Намаасаа хөөгдсөн ч Монголдоо үлдсэндээ би баярлаж байна. Үндсэн хууль болон нийт иргэдийн эрх ашгийн төлөө цаашид тэмцсээр байх болно" гэж тус тус мэдэгдлээ.