/ 2018.01.07 / Энэ сарын 10-нд "МАНАН дэглэмийн эсрэг монгол түмний нэгдэл" эсэргүүцлийн тайван жагсаалыг 2 дахь удаагаа зохион байгуулах тухай мэдээллийг УИХ-ын гишүүн Л.Оюун-Эрдэнэ, Т.Аюурсайхан, Ж.Батзандан, Л.Болд хийлээ.
"Өнгөрсөн 27-нд бүх нийтийн жагсаалд 150 гаруй иргэний нийгмийн байгууллага, иргэдийн төлөөлөл оролцсон. Тэгвэл энэ сарын 10-нд / 2018.01.10 / дахин жагсаж, жагсаалын дараа 150 гаруй иргэний нийгмийн байгууллагууд төв талбайд гэр барьж, улс төрийн суулт зарлана. Аймаг орон нутагт байгаа хүмүүс бидэнтэй уялдан нэгэн зэрэг цуглаан хийгээрэй гэж хэлэхийг хүсэж байна" гэж тэд мэдэгдлээ.
Тэд энэ удаагийн жагсаалыг хийхдээ хууль хяналтын байгууллагатай хамтран аюулгүй байдлаа хангаж ажиллахаа ч мэдэгдсэн байна.