Х.Баттулга Монголын прокурорын удирдах ажилтнуудын зөвлөгөөнд оролцохдоо Монгол улсын ерөнхийлөгчөөр 2 удаа сонгогдон ажиллаж байсан АН-ын дарга асан Ц.Элбэгдоржийг шалгуулах хүсэлтээ прокуроруудад гаргалаа.
Гэхдээ би хувь хүнийхээ зүгээс хандаж байна гэдгээ тодотголоо. -Ард түмний өмч Таван толгойг гэрээгээр халхавчлан гаднынханд 100 жилийн хугацаагаар хууль бусаар өгөх гэж байхад нь УИХ-ын 40 гишүүн 2015 онд эсэргүүцэн авч үлдсэн юм. Би тэдний нэг байсан. Энэ хуйвалдааныг тухайн үед ерөнхийлөгчөөр ажиллаж байсан Ц.Элбэгдорж гардан гүйцэтгэх ажлыг зохион байгуулсан.
Төрийн өмчөөр нөөцийг нь тогтоосон орд газрыг гадаадын компанид хууль бусаар олгох гэж байсан. Үүнийг одоо болтол яагаад шалгахгүй байна? Энэ 179 хуудас материал байна. Үүнтэй холбоотойгоор шалгана уу? гэж Элбэгдоржийг шалгах материалыг ерөнхий прокурор Энх-Амгаланд гардууллаа. Мөн, - Та УИХ-ын чуулганы танхимд УИХ-ын гишүүдээс шударга үнэнийг нэхсэн. Энэ үгийг чинь Монголын прокурор та бүхнээс, энэ танхимаас нэхье гэж Х.Баттулга нэмж хэллээ.
Тангараг өргөх ёслолын үеэр Баттулга, Элбэгдорж хоёр гар "зөрүүлсэн " болсон. Маш хүйтэн, хөндий уур амьсгалыг мэдэрсэн. Элбэгдорж хэн байсан, юу юу хийж байсныг Баттулга хэнээс ч илүү мэдэж байв. -Бие биенээ уучилж амар сайхан амьдарцгаая л даа гэдэг үгийг Элбэгдорж зүгээр ч нэг хэлээгүй. Энэ үгийг хаягласан жинхэнэ эзэн нь түүнээс төрийн тамгыг хүлээн авсан Баттулга байлаа.
Ц.ХИШГЭЭ
