Бүртгэгдсэн зам тээврийн ослын гол шалтгаан нь хурд хэтрүүлэх, эгнээ байр эзлэх болон уулзвар нэвтрэх журам зөрчсөнөөс дийлэнх осол гарч байна. Мөн бага насны хүүхдүүдийг буруу тээвэрлэснээс болж осолд орж байна.
Сар шинийн өдрүүдэд иргэд золголт хийхээр хөдөө орон, нутгийг чиглэх хөдөлгөөн эрчимжиж Баянзүрх, 22-ын товчоо, Налайхын замуудад ачаалал ихэсч, Дархан, Сэлэнгэ, Төв аймгийн автозамууд тээврийн хэрэгслийн тоо ихтэй хөдөлгөөн үргэлжилж байна.
Тухайлбал: Баяр, амралтын өдрүүдэд Архангай аймгийн Хашаат сумын Номгон багийн нутагт асфальтан замд H.Sonata маркийн автомашин онхолдож, 1 хүний амь нас хохирч, 3 хүн гэмтсэн мөн Дундговь аймгийн нутаг “Булангийн говь” гэх газар T.Crown маркийн автомашин N.Fuga маркийн автомашинтай мөргөлдөж 1 хүний амь нас хохирсон ноцтой зам тээврийн ослууд гарсан байх нь хурдыг тогтоосон хэмжээнээс хэтрүүлэх, гүйцэж түрүүлэх үйлдлийг буруу хийх зэргээс шалтгаалж байна.
Иймд цагдаагийн байгууллагаас иргэдийг орон нутагт суугаа элгэн садандаа энх мэнд очиж золгохын тулд Замын хөдөлгөөний дүрмээ баримталж, анхаарал болгоомжтой хөдөлгөөнд оролцох, үзэгдэлт хангалтгүй, өөдөөс тээврийн хэрэгсэл ойртон ирж яваа болон эргэлт бүхий замд гүйцэж түрүүлэх үйлдлийг хийхгүй байх, тээврийн хэрэгслийн хурдыг тогтоосон хэмжээнээс хэтрүүлэлгүй зөв сонгон зорчихыг зөвлөж байна.
ТЦА
