Ц.Баатарсайхан захиралтай Таван Богд компанийн мэдлийн KFC-д хордлого авсан дуудлагаар Нийслэлийн Мэргэжлийн Хяналтын Газар сүүлийн өдрүүдэд тус KFC-д хяналт шалгалт хийж, бүх төрлийн бүтээгдэхүүнд нь нэгбүрчилсэн шинжилгээг лаборатортоо хийж байгаа юм байна.
Бүтээгдэхүүний шинжилгээнээс гадна хордлого авсан сэжиг бүхий 60 гаруй хүүхэд, насанд хүрсэн хүнийг шинжилгээнд хамруулснаас 40 гаруйд нь хордлогын шинж тэмдэг илэрсэн байна. Тэднээс хүндэвтэр хордлого авсан 20 гаруй хүнийг эмнэлэгт хэвтүүлж, хордлого тайлах эмчилгээ хийж байна. Тэдгээр 20 гаруй өвчтөний дийлэнх нь бага насны хүүхэд юм байна.
KFC-ийн хувьд нийт 12 салбартайгаас ганцхан Зайсангийн салбарт нь нэг бус удаа үйлчлүүлэгчид нь хорлого автах тохиолдол давтагдаж буй.
Хяналт шалгалтыг НМХГ-ын зүгээс хууль хяналтын байгууллагатай хүч нэмэн шалгаж байна. Лабораторийн шинжилгээний дүн тодорхой хугацаа шаарддаг тул өнөө маргаашгүй мэдээлэх боломжгүй байгаа юм байна.
О.НОМИН