2019 оны 02-р сарын 13-ны өдрийн 16:55 цагийн орчим Ховд аймгийн Мянгад сумын Баянхошуу баг /сумын төвд, аймгийн төвөөс зүүн хойд зүгт 45 км-т/ тус сумын иргэн Г /6 настай/ Ховд голд осолдсон.
Дуудлагын дагуу Баруун бүсийн төв-Ховд аймгийн Онцгой байдлын газрын Эрэн хайх аврах ангийн захирагч, хошууч С.Даваажаргалаар ахлуулсан 22 албан хаагч, 2 завьтайгаар, сумын Засаг даргын Тамгын газрын болон нутгийн иргэдийн төлөөллөөс бүрдсэн 90 гаруй хүн 8 авто машин, ердийн хөсгөөр 7 хоногийн хугацаанд эрэн хайх ажиллагаа явуулжээ.
Эрлийн хугацаанд Ховд голын мөсөнд 100-аад цооног гаргаж, 100 гаруй удаа гүний шумбалт хийж голын харзалсан хэсэгт 3 км-т завиар эрэн хайх ажиллагааг явуулсан боловч усанд осолдсон хүүгийн цогцос олдоогүй тул ар гэрийнх нь хүсэлтээр эрэн хайх ажиллагааг зогсоолоо гэж аймгийн Онцгой байдлын газраас мэдээллээ.
Х.АЛТАНТУЯА / ХОВД АЙМАГ /
