Баян-Өлгий аймгийн Мэргэжлийн хяналтын газраас тус аймагт өвөлжилт, хаваржилт хүндэрч малын зүй бус хорогдол ихэсч байгаатай холбоотой үхсэн малын мах худалдан авах, худалдаалагдах, бэлтгэн нийлүүлэгдэхээс урьдчилан сэргийлж зорилгоор төлөвлөгөөт бус хяналт шалгалт хийжээ.
Шалгалтын явцад үхсэн малын мах хадгалан борлуулахаар завдаж байсан зөрчлийг илрүүлж, нийт 500 кг махыг хураан авч эзнийг байлцуулан Өлгий хогийн цэгт шатааж устган, Зөрчлийн тухай хуулийн дагуу шийтгэвэр ногдуулж барагдуулжээ.
Иймд иргэд та бүхэн сонор сэрэмжтэй байж, гарал үүслийн бичигтэй, шинжилгээнд хамрагдсан мах худалдан авахыг анхааруулж байна.
.JPG)
