БААТАРЫН НУРУУНД 400 ГАРУЙ МАЛ ИРВЭСЭНД ИДҮҮЛЖ, ХОРОГДЖЭЭ

2019-03-12  



Ховд аймгийн Мөст, Зэрэг, Манхан сумын нутгийг дамнан орших “Баатарын нуруу” гэх газар 30 гаруй ирвэс нутагладаг. Тэнд өвөлжиж, хаваржиж байгаа Зэрэг, Мөст сумын малчдын 100 гаруй хүүхэд ирвэсний талаар хамтарсан судалгаа хийжээ.

Судалгаагаар энэ өвөл Баатарын нуруунд 160 орчим малчин өрхийн 40 гаруй мянган мал өвөлжсөнөөс 495 мал ирвэсэнд идүүлсэн нь тогтоогдсон байна. Ирвэс хамгаалах, танин мэдэх зорилгоор эхэлсэн судалгааны хүрээнд хүүхдүүд Дэлхийн байгаль хамгаалах сан /ДБХС/-гийн дэмжлэгтэйгээр энэ сарын 7-ны өдөр Мөст сумын Цэцэг гол багийн малчин н.Баясгалангийнд очиж, тэжээлийн дэмжлэг үзүүлсэн байна.  Тус малчных 1300 гаруй малтай. Энэ өвөл хамгийн их мал буюу 8 хонь, 37 ямаа, 17 адуу, 28 сарлаг, нийт 90 орчим мал ирвэсэнд идүүлсэн гэнэ. 

Хүүхдүүд, тус малчинтай байгаль цаг уурын өөрчлөлт, ан амьтан хамгаалах уламжлалын талаар ярилцлаа. Малчин н.Баясгалан хэлэхдээ, “Би малчин удамтай. Баатарын нуруунд олон жил өвөлжиж, хаваржиж байна. Ирвэс ганц нэгээр айлын хотонд орж мал руу дайрдаг, голдуу ямаа барьж иддэг. Гэхдээ өвөг дээдсээс уламжилж ирсэн байгаль дэлхий, уул ус, ан амьтныг хайрлан хамгаалах, шүтэн дээдлэх заншлын дагуу хайр энэрлийг нь хамаг амьтны тусын тулд гуйж сүүн цацал өргөх, сан тавих зэргээр аргадаж харьцвал ирвэс хор хөнөөл багатай амьтан юм. Сүүлийн жилүүдэд зэрлэг ан амьтан, тэр дундаа ирвэс хамгаалах чиглэлээр нэлээд арга хэмжээ авч байна. Малчид энэ ажилд идэвх санаачлагатай оролцож, хамтарч ажиллах хэрэгтэй” гэлээ. 

 

 

Х.АЛТАНТУЯА

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
Төр зардлыг нь гаргаж хайгуул хийж, нөөцийг нь тогтоосон бүх ордоо хувийн хэвшлээс буцаан Төрийн мэдэлд авах шийдвэр: