МАХН-ын дарга Н.Энхбаяр МАН-аас сонгогдсон Гантулга гишүүний суларсан тойрогт өрсөлдөнө. Түүнд СЕХ аливаа саад хийх шалтаг байхгүй гэдгээ мэдэгдсэн. Н.Энхбаяр ч бүтэн жил Хэнтийд ажилласан. Н.Энхбаяр бол Хэнтийн нөхөн сонгуулийн хамгийн том өрсөлдөгч. Ерөнхийлөгчийн сонгууль нэгэнт ард хоцорсон учраас одоо түүнийг торгоох улс төрийн шалтаг эрх баригч намд байхгүй болсон гэж ойлгож болно. Тиймээс түүнтэй өрсөлдөхөөс ерөнхий сайд У.Хүрэлсүх хүртэл болгоомжилж байна. АН-ын хувьд өмнө нь энэ нөхөн сонгуулийг үл ойшоож байсан. Сүүлийн саруудад нөхцөл байдал өөрчлөгдсөн тул С.Эрдэнэ даргын хувьд нэр дэвшигчийг сойхоос өөр аргагүй болсон. Учир нь Лу.Болд АН-аас түлгэлзсэнээс үүсэлтэй АН УИХ-д бүлэггүй болсон. Үүнээс гарах цорын ганц гарц нь Хэнтийн нөхөн сонгууль болж байна. Харин түүнд саад болохоор АН-ын дарга, ерөнхий сайд асан Н.Алтанхуяг Хэнтийн сонгуульд нэр дэвших зорилгоор ерөнхийлөгч Баттулгын зөвлөхийн үүрэгт ажлаас татгалзлаа.
Ц.ХИШГЭЭ
