Нарсултан Назарбаев 78 насандаа, Казахстан улсын ерөнхийлөгчийн суудлаа Сенатын дарга Касым Жомартом Токаевт ( УИХ) сайн дураараа шилжүүлсэн. Энэ тухайгаа телевизээр мэдэгдэж, - К.Ж.Токаев бол хүмүүжилтэй, мэдлэг, боловсролтой, зөв хандлагатай хүн гэж би үздэг. Энэ хүнд улс орныхоо жолоог атгуулах нь мэргэн шийдвэр гэж үзэж байна гэж Назарбаев үүрэгт ажлаасаа буухдаа онцлон хэлсэн.
Токаев ерөнхийлөгч болсноор Сенатын даргын суудал суларсан. -Миний хувьд Сенатыг удирдах хамгийн зөв хүн бол Дарига Назарбаева юм. Тиймээс түүний нэрийг Казахстан Улсын Сенатын даргад дэвшүүлж байна гэж чуулганы хуралд Токаев танилцуулсан байна. Сенатын 44 гишүүн санал нэгтэйгээр Назарбаевын том охин Дарига Назарбаевыг Сенатын даргаар баталлаа. Ингэснээр Назарбаер буусан ч том охин Дарига Назарбаевыгаа Казахстан Улсын хоёрдугаар хүнээр батламжлуулж чадлаа гэж Интерфакс мэдээллээ.
О.НОМИН