МАХН-ын дарга Н.Энхбаяр цаг үеийн асуудлаар мэдээлэл хийлээ. Тэрээр "Эрдэнэтийн 49 хувийг хурдан буцаан авч ард түмэнд хувьцаа болгож тараах хэрэгтэй гэдэг байр суурийг илэрхийллээ. Хууль, шүүхийн байгууллагууд МАНАН-гийн тушаалаар ажиллаж байна.
Өнөөдөр Монголд Хууль шүүхийн байгууллага эсрэгээрээ ажиллаж байна Буруутай хүмүүс хуулиас мултарч, үнэнийг илчилсэн хүмүүс буруутан болж байна.
Цаашлаад үнэнийг илчилсэн хүмүүсийг айлган сүрдүүлж шоронд хийж тэднийг нийгэмд буруутай мэтээр ойлголт өгдөг болж. Энэ бүхэнд шүүх цагдаагийн байгууллага гар бие оролцон хутгалддаг болсон нэгэнт эхнээсээ илчлэгдэж байна" гэсэн бол. Нийслэлийн МАХН-ын дарга Э.Эрдэнэжамъян: Намайг 60 тэрбумын талаар анх зарлахад орчин үеийн техник ашиглаж, эвлүүлэг хийсэн байна гэж гүтгэсэн. Гэвч өнөөдөр тэд үнэнд гүйцэгдэн ийм зүйл хийсэн болох нь тодорхой боллоо. МАНАН бүлэглэл үнэн юм ярьсан хүнийг гүтгэн доромжилдог. Цаашлаад цагдаад өгч, шүүхийн үүдэнд уулзана гэж айлгадаг сүрдүүлдэг.
Н.Энхбаяр даргыг цагдаад дуудсан гол зорилго нь шоронд оруулж, ярих эрхийг нь хаах гэсэн нэг хэлбэр.
Хэнтийд болох гэж байгаа нөхөн сонгуультай холбоотой гэж манай нам үзэж байна. МАХН-ыг сонгуульд оруулахгүй гэсэн бас нэг жүжиг.
Мөн шүүхийн байгууллагын шүүгч нар хар тамхины хэрэгт холбогдсон энэ талаар мэдээллийг би маргааш дэлгэх болно. Сагсай прокурорын тухай би анх дэлгэж тавихад, намайг тэнэг мулгуу худал ярьж гүтгэлээ хэмээн тухайн үед үзэж байсан. Надад худал ярьсан зүйл байхгүй. Зөвхөн би мэдээд байгаа юм биш, хүмүүст олон баримт байна. Бичлэгийг нь би үзэж байсан. Шаардлагатай бол үзүүлж болно. Энэ бол зөвхөн Сагсай гэдэг хүний тухай биш, тийм хүмүүсийг ашиглаад ард нь цөөхөн хэдэн хүн байгалийн баялагт эзэн суугаад байна. Бусдыг ядуу байлгах зорилготой улс төр эдийн засгийн том бүлэглэл ажиллаж байна" хэмээн хэлсэн юм.
З.НУРЖАН
