1991 онд ЮНЕСКО-гоос дэлхийн соёлын өвд бүртгэсэн Парисын Дарь эхийн сүмд өчигдөр буюу /2019.04.15/-нд орон нутгийн цагаар оройн 18 цагийн үед түймэр гарсан байна. Түймэр долоон цаг гаруй үргэлжилжээ.
Сүмд гал гарсан шалтгааныг дээврийн хэсэгт хийж байсан засварын ажилтай холбоотой байж магадгүй хэмээн олон улсын хэвлэлүүд мэдээллээ. Тус сүм нь 1163 онд баригдсан эртний барилга ажээ. Тус сүмд гал гарсантай холбоотойгоор Францын Ерөнхийлөгч Эммануэл Макрон "Сүмийг сэргээн босгоно" хэмээн амласан байна.
Мөн Францын бизнесмэн, тэрбумтан Пиногийн гэр бүлийнхэн түүхийн хосгүй үнэт дурсгалын нэг болох Дарь эхийн сүмийг сэргээн босголт, засварын ажилд 100 сая евро хандивлаж байгаагаа зарлажээ.
Энэ үйл явдлын дараа олон орны удирдагчид, олон улсын байгууллагууд, шашныхан Францын бэлгэдэл болсон сүмийг сэргээн босгоход туслахаа мэдэгджээ.
О.НОМИН