Хятадын Шанхай, Шэньжэн хотууд дахь “Starbucks”-ийн 1000 орчим салбар энэ долоо хоногоос хуванцар соруулын оронд цаасан соруулаар үйлчилж эхэлжээ.
Энэхүү туршилтын хугацаанд нааштай үр дүн гарвал байгаль орчинд ээлтэй уг өөрчлөлтийг энэ оны сүүлч гэхэд Хятадын бүх “Starbucks”-ийн салбарт хэрэгжүүлэх аж.
Тус компани 2020 он гэхэд хуванцар соруулаас бүрэн татгалзаж, оронд нь дахин ашиглагдах өндөр амсар бүхий нэмэлт хэсэгтэй тусгай таглаа, дахин боловсруулсан цаасаар хийсэн байгальд ээлтэй соруулыг бүх ундаа, цай, кофендоо дагалдуулах зорилт тавиад байна.
“Starbucks” компаниас гадна түргэн хоолны “McDonald's” компани мөн соруул шаардлагагүй таглаа ашиглаж эхэлжээ. Тэд өнгөрсөн 11-р сараас энэ ажлаа эхлүүлсэн байна.
Эх сурвалж : CCTV.com