-Нөхөн сонгууль зарласан нь хууль бус зүйл. Гантулгыг чөлөөлдөг газар нь УИХ биш. Тийм хууль дүрэм, журам Монголд байхгүй. Дээр нь Гантулгын гэх хэргийг эцэслэн шийдээгүй.
Ийм тохиолдолд нөхөн сонгууль зарлаж буй нь хууль зөрчиж байна. Сонгууль болсон ч, тэр нь хууль бус сонгууль гэж тооцогдоно. Маш их үргүй зардал гаргах гэж байна. Тиймээс би энэ асуудлаар Үндсэн хуулийн цэцэд хандсан гэж судлаач Ганхуяг сэтгүүлчдэд мэдээллээ. Түүний хэлснээр үйл явдал өрнөвөл, Хэнтийн 42-р тойргийн нөхөн сонгууль хойшлох нь. Энэхүү шүүхийн процесс нь 7-р сарын 1-нийг давж сунжирвал, сонгуулийн хуулиар нөхөн сонгууль явуулахыг хориглоно. Өөрөөр хэлбэл, энэ УИХ 75-уулаа хугацаагаа дуусгана гэсэн үг.
Ийм нүүдлийг судлаач Ганхуяг сэдлээ. Тухайн үед МАХН-ын дарга Н.Энхбаяр судлаач Ганхуягийг намаасаа шахаж байсан түүхтэй. Тэгвэл Н.Энхбаярын Монголын Их улс төрд эргэн орох үүд хаалгыг судлаач Ганхуяг ийнхүү "хаав".
Ийм нэгэн улс төрийн нүүдлийг хаа нэгтэйгээс, хэн нэгэн эхлүүлнэ гэж таамаглаж байсан нь ийнхүү биеллээ оллоо. Түүнийг гардагч нь Ганхуяг болов. Харин түүнд захиалагч бий эсэхийг одоохондоо тааж хэлэхэд бэрх.
Ц.ХИШГЭЭ