Төрийн эрхийг АН барьж байх үед Хэнтий аймгийн АН-ын дарга, Засаг даргаар ажиллаж байсан Ж.Оюунбаатарыг Ардчилсан Нам тус аймгийн 42-р дугаар тойргийн нөхөн сонгуульд нэр дэвшүүлэх болсон байна. Нутаг орондоо нэр хүндтэй, аймгийн даргаар ажиллаж байсан туршлагатай, ард иргэддээ танигдсан, ялах магадлал өндөртэй гэж үзэж түүнийг дэвшүүллээ гэж эх сурвалж тодотгож байна.
Ж. Оюунбаатар нь төрийн алба хааж байснаас гадна, бизнесийн зах зээлд хөлөө олсон, хөрөнгө чинээлэг, хурдан морины хоббитой, тэр талын соёл, уламжлалыг түгээгч, дэлгэрүүлэгч гэдгээрээ олонд танигдсан юм байна. Ийнхүү 42-р тойргийн нэр дэвшигчид эхнээсээ тодорч эхэллээ.
Ц.ХИШГЭЭ