Урин дулаан цаг ирж орон нутаг зорих хөдөлгөөн нэмэгдэхийн хэрээр осол ихээр бүртгэгдэж байна. Тухайлбал :
Өнгөрөгч 5-р сарын 21-ний 07.55 цагийн орчимд Булган аймгийн Хутаг-өндөр сумын 1-р багийн “Сахрын рашаан” гэх газар /Сумын төвөөс зүүн тийш 22 км-т/ асфальтан замд амины Toyota Estima маркийн автомашин нь онхолдож зорчигч 38 настай эмэгтэй “С” нас баржээ.
5-р сарын 22-ний өдөр Дорноговь аймгийн Алтанширээ сумын 3-р баг /35 зөрлөгийн хойш 16 км-т/ асфальтан замд амины Toyota Wish маркийн автомашин онхолдож, зорчигч БНХАУ-ын иргэн “Ж” нас барсан.
5-р сарын 23-ний мөн өдөр Сүхбаатар аймгийн Уулбаян сумын 3-р баг “Дөхөм” гэх газар /Сумын төвөөс зүүн тийш 90 км-т/ шороон замд Dayun маркийн улсын дугааргүй мотоцикл онхолдож жолооч 52 настай эрэгтэй “Л” нас барсан хэргүүд бүртгэгдсэн байна. Орон нутагт ноцтой зам тээврийн ослын улмаас амь нас хохирсон хэргүүдэд шалгалтын ажиллагааг явуулж байна.
Энэ 7 хоногт бүртгэгдсэн зам тээврийн осол, хэргийг өмнөх 7 хоногийн нөхцөл байдалтай харьцуулахад нийт дуудлага 0.9 хувиар, ослын шинжтэй дуудлага 0,94 хувиар тус тус өссөн байна.
