Орос, Хятад улсын аюул АНУ-д заналхийлж байна гэж Пентагоны тусгай албаны дарга дэслэгч генерал Роберт Эшли тайландаа онцолсон байна.
-Оросуудын хувьд энэ заналхийлэл нь түр зуурын чанартай бол, Хятадынх алсын зорилготой. Оросууд одоохондоо цөмийн зэвсэгтэйгээрээ аюултай бол, Хятадууд дэлхийн эдийн засагт ноёрхлоо тогтоож эхэлсэн нь тун хортой гэж Аспенийн форумын үеэр дэслэгч генерал Роберт Эшли Орос, Хятадын аюул заналхийллийн ялгааг тодотгосон байна. Энэ аюул заналхийлэл Монголд ч гэсэн хамааралтай.
Монгол улс хоёр өнөөг хүртэл хамааралтай явж ирсэн. 1921 оноос 1990 он хүртэл Монгол улсын эдийн засаг хуучин Зөвлөлт Холбоот Улсаас ( Орос) 70 хувь, улс төр 100 хувь хамаардаг байсан. Өөрөөр хэлбэл Монгол улс социалист системийн 70 жилд Оросын харьяат улс байсан гэж хэлэхэд хилсдэхгүй. Тэгвэл 1990 он, зах зээлд шилжсэнээс хойшхи 30 орчим жилд Монгол улсын эдийн засаг Хятад улсаас 90 хувь хамаардаг болсон нь Монгол улсын тусгаар тогтнолд ч аюул заналхийлж байна гэж хэлж болно.
Ц.ЭНХБАТ