Хэвлэл мэдээллийн хэрэгслээр хурд хэтрүүлснээс болж хүний алтан амь үрэгдсээр байгаа тухай анхааруулсаар, ТЦА-наас “Яараад яах вэ“ гэсэн аянг өрнүүлсээр байтал иргэд тоомжиргүй байдлаасаа болж осол аваар гаргасаар байна.
Аялал зугаалгын сарууд үргэлжилсээр байгаа энэ өдрүүдэд ноцтой осол орон нутагт гарчээ. Тухайлбал : 8-р сарын 6-ны өдөр Төв аймгийн Баян-Өнжүүл сумын нутаг дэвсгэрт Тоёота Приус маркийн автомашин Тоёота Аксио маркийн автомашинтай мөргөлдөж ослын улмаас 5 сартай хүүхэд, 41, 53, 27 настай 4 хүн нас баржээ.
Ослын шалтгаан жолоочийн хариуцлагагүй байдлаас болж байна. Ихэвчлэн гүйцэж түрүүлэх, хурд хэтрүүлснээс болж байгаа талаар ТЦА-наас хэллээ. Мөн ослын тоо эрс нэмэгдсэн байна. Орон нутгийн замд 2 хоногийн дотор 8 хүн осолдсон тоо мэдээ ч байна. Гуравхан сая монголчууд 2 хоногийн дотор 10 -аараа амиа алдаж байгаа нь дэндүү харамсалтай.
О.НОМИН
