Нийгмийн даатгалын шимтгэл 2019 оны 1-р сарын 1-нээс 1 хувиар нэмэгдэж 24 хувь болсон. Тэгвэл 2020 оны 1-р сарын 1-нээс дахин 1 хувиар нэмэгдэх гэж байна. Үүнийн 18 хувь нь нийгмийн даатгалын сангийн алдагдлыг бууруулаар орж байгаа юм. МУ-ын Засгийн газар ОУ-ын валютын сангийн өргөтгөсөн хөтөлбөрт хамрагдсан бөгөөд харин тус сангаас нийгмийн даатгалын шимтгэлийг сайжруулж, сангийн алдагдлыг нөхөх шаардлага тавьсан юм. Уг үүссэн сангийн алдагдал нь 2018 онд 500 тэрбумд хүрсэн бөгөөд алдалдлыг 3 аргаар нөхөхөөр болсны нэг нь энэхүү Нийгмийн даатгалын шимтгэлийн хувь хэмжээг нэмэх арга ажээ. Харин үлдсэн 2 арга нь -тэтгэврийн насыг 6 сараар нэмэгдүүлэх, - тэтгэврийн доод хязгаарыг үгүй болгох юм. 2020 оны 1-р сарын 1-нээс нэмэгдэх уг 25 хувийн шимтгэлийн 13 хувийг ажил олгогч, 12 хувийг ажилтан төлөх аж. Уг 25 хувийн шимтгэлийн 18 хувь нь энэхүү сангийн алдагдлыг нөхөхөд зарцуулагдана гэдэг аль аль талдаа ашиггүй үйлдэл болж байгаа хэмээн иргэдийн зүгээс таагүй хандлагатай байгаа аж.
О.Гоо-Оюун
