Францын алдарт загвар зохион бүтээгчийн 5 дахь үе болох Патрик-Луи Вюиттон 69 насандаа таалал төгслөө. Патрик-Луи Вюиттон нь өөрийн өвөөгийн үүсгэн байгуулсан уг “LOUIS VUITTON” компанид 1973 онд мужаан хийж ажлын гараагаа эхэлж байжээ.
Тэрбээр Vogue Arabia сэтгүүлд өгсөн ярилцлагандаа “гэр бүлийн бизнесдээ ороход тийм ч дуртай байгаагүй, анхнаасаа малын эмч болох сонирхолтой байсан, миний өвөө эмээ хоёр намайг гэр бүлийн бизнесээ цааш нь авч явах ёстой гэдэг байсан ч би “ҮГҮЙ” л гэдэг байсан” хэмээн ярьж байжээ.
Харин 1970 онд түүний өвөө болох Гастон-Луи Вюиттоныг нас барсаны дараа алдарт гэр бүлийн гишүүн тэрбээр гэр бүлдээ туслахаар зөвшөөрсөн бөгөөд компаниа удирдаж иржээ. Компанидаа хүчин зүтгээд эхэлсэн цагаас тэрээр Луи Вюиттоны загварын ордонд жил бүр захиалагдаж байсан 300 гаруй тусгай захиалгыг гар оролцон хийдэг болсон байна. Тэрбээр “Би тусгай захиалга бий болгогч, би цагийн ажилтан биш. Ямар ч арьсаар хамаагүй, хүссэн өнгөөр чинь, хүссэн загвараар чинь зуун жилийн баталгаатай Луи Вюиттоны цүнх хийдэг хийдэг хүн нь байна” хэмээн хэлэх дуртай байсан гэдэг.
О.Гоо-Оюун
